【反修例】田北俊：相信林鄭想辭職　李家超鄭若驊換人補位不難盧偉聰可頂上

反修訂《逃犯條例》爭議持續，自由黨榮譽主席田北俊今日（8日）在一個電台節目表示，市民大部份的訴求均是要求特首林鄭月娥下台，他稱相信林鄭月娥係想辭職，他指林鄭「好叻、又勤力，但今次事件令她一鋪清袋，無哂癮」，又指「我覺得佢係唔想做，行會又唔開，佢絕對唔想日日俾人鬧。」

田北俊稱，林鄭現時民調評分比梁振英還低，是四屆特首中最低的一個，「以前考慣第一，做咩都叻哂，忽然係市民考第尾，相信對佢打擊好大」:

可能佢要頂住呢份工、執埋啲手尾，可能都係正確。

他又認為，保安局局長李家超及律政司司長鄭若驊亦應有相同考慮。他更指，換要班子要換人都非難事。他指，李家超局長以前是警務處副處長，「盧偉聰都夠鐘退休，盧偉聰接收呢個位（保安局局長）一樣勝任」，相信此兩職位如需換人，不難彌補空位。

另外，田北俊除了會去信促黨主席張宇人辭去行會成員之外，他認為，湯家驊及葉劉淑儀亦應辭去行會職務，他認為前者未有掌握民意，所以提供了錯誤意見給特首，而後者則一直極力支持修例。